دەرماڵە و پارەی خوێندنی کوڕ کچانی زیندانیانی سیاسی خەرج دەکرێت

حکومەتی هەرێمی کوردستان دەرماڵە و كرێی خوێندن و كرێی هاتوچۆی قوتابییانی زیندانیی سیاسی و كوڕ و كچی زیندانییانی سیاسی خەرج دەكات

حاكم عادل، بەڕێوەبەری ڕاگەیاندن و پەیوەندییەكانی وەزارەتی کاروباری شەهیدان و ئەنفالکراوانی حكومەتی هەرێمی كوردستان ڕاگەیاند:

ئەو زیندانییە سیاسییانەی، یان كوڕ و كچانی زیندانیی سیاسی، كە بەهۆی قەیرانی دارایی ساڵانی پێشوو دەرماڵە و پارەی خوێندنیان بۆ خەرج نەكراوە، دوای ڕەزامەندیی ئەنجومەنی وەزیران، وەزارەتی دارایی پارەكەی خەرج كردووە، كە بۆ سێ ساڵی 2016 بۆ 2019 یە و ناوی ئەو كەسانە دیاریكراوە و دەتوانن سەردانی بەڕێوەبەرایەتیی كاروباری زیندانییە سیاسییەكان بكەن و پارەی خۆیان وەربگرن.

حاكم عادل ئاماژەی بەوەش کردووە کە بەپێی یاسا، زیندانی سیاسی، یان منداڵێكی، بۆی هەیە لەسەر ئەركی حكومەت بخوێنن، كرێی خوێندن و دەرماڵەی و كرێی هاتوچۆیان لەلایەن وەزارەتی كاروباری شەهیدان بۆ خەرج دەكرێت.