حکومەتی ئەڵمانیا هۆشداری دەداتە بازرگان و کاسبکارانی کورد لە وڵاتەکەی.
پۆلیسی ئەڵمانیا لە راگەیێندراوێک دا هۆشداری دەداتە بازرگان و کاسبکارانی کورد لە وڵاتەکەیان کە بەهیچ شێوەیەک هاوکاری ماددی بۆ (پە*کە*کە) نەنێرن و هاوکاریان نەکەن، بەپێچەوانەوە هەر کەس و گروپێکی کوردی بزانرێت کە هاوکاری پەکەکەیان کردووە، هاوشێوەی (پە*کە*کە) مامەڵەیان لەگەڵ دەکرێت.
پۆلیسی ئەڵمانیا ڕاشیگەیاند: (پە*کە*کە) لەساڵی ١٩٩٣ـەوە لە ئەلمانیا قەدەخە کراوە و وەک رێکخراوێکی تیرۆرستی پۆلێن کراوە. ئەڵمانیا دەیەوێت پاشەکشە بە سەرچاوە داراییەکانی (پە٭کە٭کە) بکات لە وڵاتەکەی و ئامۆژگاری کوردانی ئەو وڵاتە دەکات کە نەکەونە ژێر کاریگەری ئەو رێخراوە تیرۆرستییە و نەترسن لێیان و لە هەر رێگە و بە هەر شێوەیەک داوای باج و سەرانەیان لێ کرا پۆلیس ئاگادار بکەنەوە.
پۆلیسی ئەڵمانیا ئەوەش بە کوردانی وڵاتەکەی دەڵێت کە ئەو هاوکارییەی تۆ دەیدەیت بە (پە٭کە٭کە) دەبێتە هۆکاری توندوتیژی و خوێن رشتن و ژیان ئاوایی زۆر کەسی بێ تاوان. بۆیە چیتر ڕێگە نادەین ئەو شێوە هاوکاریی کردنەی (پە٭کە٭کە) لە ئەڵمانیا بەردەوام بێت.
شایەنی باسە رێکخراوی تیرۆرستی (پە٭کە٭کە) لە زۆربەی وڵاتانی جیهان لە رێگەی گرووپ و تۆڕی مافیاگەری دەیان ساڵە بە زۆر و ترس و هەڕەشە پارە و باج و سەرانە لە کوردانی کاسبکار و بازرگان دەسێنن.
دەقی راگەیێندراوەکەی پۆلیسی ئەڵمانیا:
کۆکردنەوەی پارە بۆ پارتی کرێکاران (پە*کە*کە) قەدەغەکراو
بەڕێزان…
کاسبکارانی خۆشەویست،
(پە*کە*کە) لە ساڵی ١٩٩٣ـەوە لە ئەڵمانیا قەدەغەکراوە و وەک ڕێکخراوێکی تیرۆریستی پۆلێن کراوە. ئەڵمانیا کاردەکات بۆ پاشەکشە پێکردنی دارایی رێکخراوی تیرۆرستی (پە*کە*کە). لەو چوارچێوەیەدا، بە گشتی بەدوای ئەو کەسانەدا دەگەڕێن کە باکگراوندێکی هاوولاتی کوردیان هەیە، کە بڕە پارەیەک بۆ پشتیوانی لە پەکەکە دەدەن. زۆرجار پارەکان وەک بەخشین یان باج دەدەن.
لە ڕاستیدا ئەو پارەیەی کۆدەکرێتەوە، لەنێو شتەکانی تردا بۆ شەڕی گەریلا بەکاردەهێنرێت کە تێیدا خەڵکێکی زۆر بریندار دەبن یان تەنانەت ژیانیش لەدەست دەدەن.
دەکرێ سەردانی تۆش بکرێت و داوای پارەدانت لێ بکرێت. ئەگەر ئەمە نەکەیت، لەوانەیە ببێتە هۆی هەڕەشە و هەوڵی ترساندنت. لە ئەنجامدا دەکرێت تاوانباران بە چەندین شێوە دادگایی بکرێن، بۆ نموونە پاڵپشتیکردنی ڕێکخراوێکی تیرۆریستی لە دەرەوەی وڵات، هەڕەشەکردن، ناچارکردن یان پێشێلکردنی یاسای کۆمەڵەکان.
تکایە پەیوەندی بە پۆلیسەوە بکەن! بەم شێوەیە دەتوانیت خۆت و کەسانی دیکە بپارێزیت.
لە کۆتاییدا پێویستە ئاماژە بەوە بکەین کە بە پێدانی پارەیەک بە (پە*کە*کە) خۆتان مەخەنە بەر لێپێچینەوە.
ئەگەر ئێوەش کاریگەری ئەم داواکاریانەی پارەدانتان لەسەرە، بەپەلە داواتان لێدەکەین پابەند نەبن بە داواکاری پارەدان لەلایەن (پە*کە*کە)وە.
هەروەها داوای پاڵپشتیتان دەکەین لە بەکارهێنانی ڕێگەی یاسایی بۆ ئەوەی تاوانباران نەتوانن کارەکانیان ئەنجام بدەن. بێگومان ئێمە زانیاری پەیوەندیداریش وەرئەگرین ئەگەر ڕاستەوخۆ کاریگەریت لەسەر نەبێت.
تکایە تێبینی ئەوەبکەن !