محەمەدی حاجی مەحمود بۆ بازمیدیا: سەرۆککۆمار تا ئێستا هیچ دەسەڵاتێکی خۆی بەکار نەهێناوە و بێدەنگە
محەمەدی حاجی مەحمود بۆ بازمیدیا: سەرۆککۆماری عێراق تا ئێستا هیچ دەسەڵاتێکی خۆی بەکار نەهێناوە و بێدەنگە
محەمەدی حاجی مەحمود سکرتێکری حزبی سۆسیالیست دیموکراتی کوردستان بە “بازمیدیا”ـی رایگەیاند: “د.لەتیف رەشید کە سەرۆککۆماری عێراقە، تا ئێستا هیچ دەسەڵاتێکی خۆی بەکارهێناوە، یان شتێکی کردووە تا بڵێین رێگری لێ کراوە؟، ئەو پیاوە بێدەنگە”.
محەمەدی حاجی مەحمود ئاماژەی بەوە کرد، ئەوەی لە عێراقدا دەگوزەرێ لە بابەتی یاسا و دەستوور دەرچووە و لایداوە، بەشێک لە دەسەڵاتەکانی سەرۆککۆمار کە جێبەجێکردنن، توانای ئەوەیان هەیە بڕیارەکانی پەرلەمان و دادگا رابگرێت، یان ئەوانەی سەرپێچی دەستوور دەکەن رایان بگرێت، دەبێ لە سەرۆککۆمار بپرسین بۆ دەسەڵاتەکانی بەکارناهێنێت؟.
سکرتێری حزبی سۆسیالیست، باس لەوەش دەکات، کە پۆستی سەرۆککۆمار ئیستحقاقی کوردە کە د.لەتیف رەشید لە پشکی یەکێتی تێیدایە، دەسەڵاتی زۆرە و بەکارنەهێنانیان بۆ خودی خۆی دەگەرێتەوە، کە بۆچی هەڵوێستیان نییە لەبارەی ئەو بڕیارانەی کە دژی هەرێم دەردەکرێن.
