ڕوونکردنەوەیەک لە بارەی شێڵتەری بێلانەی شاری هەولێرەوە
چەند رۆژیک لەمەوبەر ئافرەتێکی بیانی، سەردانی بەرێوەبەرایەتی خزمەتگوزاری و ژینگەپارێزی کرد و ئامادەیی خۆی دەربڕی بە تیمی خۆبەخش و دابینکردنی دەرمان هاوکاری شێڵتەرى سەگى بێلانەى هەولێر بکات، وەکو بەرێوەبەرایەتی فەرمانگەى ژینگە پارێزى هەولێر، داواکەیمان قەبوڵکرد و سوپاسى هەرکەس و لایەنێک دەکەین کە هاوکارمان بێت، دوێنێ سێشەممە داوای چوونە ژورەوەی شێڵتەرى کرد و ڕازامەندی پێ درا ، ئەمڕۆکە بڕیار بوو برێک دەرمان ببات وەک یارمەتى بۆ شێڵتەر، بەڵام بەداخەوە لەکاتی چوونە ژوورەوەی بێ بەووشەى نەشیاو ڕێزیەکی زۆری بەرامبەر بە ستافی شێڵتەر و پزیشکانى ڤێتێرنەری کردووە کە تەمەنێکی زۆریان لەو بوارەدا هەیە، سەربارى ئەوەى خۆی وانیشانداوە کە بەهۆی پاڵپشتی هاوسەرەکەیەوە دەتوانێ هەر کار و ڕەفتارێک ئارەزووی بکات ئەنجامی بدات و لەگەڵ دوو کەسى دیکە کە هاوکارى بوونە، هەندێک بابەتیان وروژاندووە کە پەیوەندی بە ئەوانەوە نییە (بۆ نموونە ناڕەزاییان دەربڕیوە کە بۆچی خواردن و ئاو لە ناو قەفسی ئاژەڵەکان نییە، بێئاگا لەوەى بە پێی ڕێنمایی ڤێتەرنەری ئەو ئاژەڵی نەشتەرگەری بۆ دەکرێت، نابێ ئاو و خواردنی تا ماوەیەک پێ بدرێت)، ئەوە سەربارى ئەوەى هەوڵی وێنەگرتن و ڕیکۆردکردنی ڤیدیۆیان داوە لە کاتێکدا پێشوەختە پێیان گوتراوە کە وێنەگرتن ڕێگەپێدراو نییە، بۆیە لەلایەن تیمەکانمانەوە رێگریان لێ کراوە تاوەکو کێشە و گرفتی زیاتر بۆ شێڵتەرەکە دروستنەکەن.
وەکو بەرێوەبەراتی فەرمانگەى خزمەتگوزارى ژینگە پارێزى هەولێر لەسەر راسپاردەی بەڕێز پارێزگاری هەولێر، دەرگای شێڵتەرى سەگى بێلانەى هەولێر بەرامبەر هەر ئاژەڵ دۆستێک کراوەیە کە بیەوێت دەستی هاوکاری و یارمەتی درێژبکات و بەگەرمى پێشوازی لێدەکەین، بەلام بەومەرجەى ڕێنماییە تایبەتیەکانى شێڵتەر جێبەجێ بکات، لەکاتی جێبەجێنەکردنی رێنماییەکان ڕێکارى یاسایی بەرامبەریان دەگیرێتەبەر، بۆ بەرچاووڕونی هاوڵاتیان، شێڵتەری سەگى بێلانەى هەولێر لەسەر ئاستی عێراق وهەرێمى کوردستان، بە تەواوی مەرجە تەندروستی و ژینگەیەکان تێدایە دروستکراوە و ئاژەڵەکان بە پێی ڕێکارە تەندروستیەکان مامەڵەیان لەگەڵ دەکرێت، بۆ ئەو ڕووداوەى ئەمڕۆش ڕوویدا پارێزگای هەولێر لێکۆڵینەوە لە بابەتەکە دەکات و ڕێکارى یاسایی بەرامبەر ئەو کەس و لایەنانە دەگیرێتەبەر کە کەمتەرخەم بوونە و کاری نەشیاو وڕەفتارى نابەجێیان ئەنجام داوە.
بەرێوەبەراتی فەرمانگەى خزمەتگوزارى ژینگە پارێزى هەولێر
2023.12.27