جۆرێکی نوێی گۆڕاوی کۆرۆنای ڕاگەیێندرا زۆر بەخێرای بڵاو دەبێتەوە
ڕێکخراوی تەندروستی جیھانی بڵاویکردەوە، ئەو کۆرۆنا نوێیە توانای بڵاوبوونەوەی زۆر خێرایە بەراورد بە ھەموو گۆڕاوەکانی تر و بە ناوی “XBB ١.٥” ناسراوە و سەر بە ئۆمیکرۆنە، بەڵام ئەوەی جێی دڵخۆشییە ئەوەیە کە نیشانەکانی سوکن و تووشبوو دووچاری نیشانەی قورس و باگرانی زۆر نابێت، نیشانەکانیشی بریتین لە ھەوکردنی قوڕگ و تا و تەنگەنەفەسی.
سەرۆکی تەکنیکی رێکخراوەکەش رایگەیاند، ئەوەی جێی نیگەرانییە ئەوەیە کە ئەو جۆرە نوێیە بە خێرایی بڵاودەبێتەوە و ژمارەی تووشبووان زیاتر دەبێت، ئەوەش مەترسی دروستبوونی گۆڕاوی نوێ زیاتر دەکات، کە رەنگە مەترسیدار بن.
ھەروەھا ڕێکخراوەکە وتیشی، ترسیان ھەیە لە بڵاوبوونەوەی لە بەشێک لە وڵاتانی ئەوروپا و ئەمریکا، بەتایبەت لە بەشی باکوری خۆرھەڵاتی ئەمریکا.