ڤۆلۆدیمێر زیلینسکی تووشی رووداوێک بوو.
ڤۆلۆدیمێر زیلینسکی سەرۆکی ئۆکراینا لە شەقامێکی کیێڤی پایتەخت تووشی ڕووداوێکی هاتوچۆ بوو.
سێرگی نیکیفۆرۆڤ، وتەبێژی کۆشکی سەرۆکایەتی ئۆکراینا، ئەمڕۆ پێنجشەممە، ڕایگەیاندووە، کە سەرۆک کۆمار هیچ ئازارێکی سەختی پێنەگەیشتووە و دۆخی تەندروستی ئاساییە ، لەلایەن پزیشکی تایبەتی سەرۆک کۆمارەوە پشکنین بۆ شۆفێری بەرامبەریش کراوە
هەر زوو دوای ڕووداوەکە، ڤۆلۆدیمێر زیلینسکی لە پەیامی ڤیدیۆیی ڕۆژانەی خۆیدا ڕایگەیاند لە ناوچەی خارکێڤ گەڕاوەتەوە، کە نزیکەی بە تەواوی لەدەست هێزەکانى ڕووسیا ڕزگارکراوە، لەو کاتەوەی هێزەکانیان هێرشی پێچەوانەیان دەستپێکردووە بۆ دەرکردنی هێزەکانی ڕووسیا.