وەزیری پەروەردە: هیچ مامۆستایەکی وانەبێژ لانابرێت
ئاڵان حەمە سەعید ، وەزیری پەروەردەی حکومەتی هەرێمی کوردستان لە کۆنگرەیەکی ڕۆژنامەوانیدا ڕایگەیاند: لەو حاڵەتانەی کەوا زۆر پێویستە مامۆستایانی وانەبێژ هەتا هه‌شت به‌شه‌وانه‌ی بمێنێتەوە لە کارەکەی دەمێنێتەوە ، ئەگەر مامۆستایەک لە خوار ئەو 8 بەشەوانەی بۆ مایەوە ئەکرێت به‌لیستێك و دەنێردرێت بۆ وەزارەتی په‌روەردە و رێكدەخرێته‌وە و نیتمان نیە کەس دەربکرێت.
ئالان حەمەسەعید ره‌تیشیكرده‌وه كه 10 هه‌زار مامۆستای وانه‌بێژ لەکار لاببرێن و گوتی ئەو قسانەی لە سۆشیال میدیا دەکرێت هیچ بنه‌مایه‌كی راستی نییه و بەمەبەستی سیاسی ئەو پڕ و پاگندانە دەکرێت چونکە نزیکی هەڵبژاردنە.
وەزیری پەروەردە گوتیشی ، مامۆستایانی وانەبێژ کوڕ و کچی ئەم وڵاتەن ئەرکە لەسەر شانی ئێمە خزمەتیان بکەین و ڕێگە بەخۆمان نادەین 10 هەزار کەس نانبڕاو بکەین.
دووپاتیشی كرده‌وه كه پرسیاری له په‌روەردەی سنووره‌كان كردووە و هیچ په‌روەردەیه‌كیش رێژەیه‌كی زۆری مامۆستای وانه‌بێژی زیاد نییه تاکو دەربكرێن، ئەگەر بەشێکیش زیادبوو لە ئەنجومەنی وەزارەت قسەمان کردووە و گوتوومانە چارەسەریان بۆ دەکەین ، لەو حاڵەتانە ئەوانە ببنە گرێبەست ، ئەوانەی کە زیادش بن دەیانگوازینەوە بۆ دیوانی پەروەردەکان دەیان کەین بە فەرمانبەر بە تەنسیب تاکو لە کاتی خۆی پێویستمان پێیان بوو دەیانگەڕێنینەوە بۆ شوێنەکانی خۆیان.