هاوپۆل: وەرزش

بارسێلۆنا لە یاری کۆتایی جامی سوپەری ئیسپانیا رووبەڕووی ریال مەدرید بووەوە و، یارییەکەشی بە ئەنجامی ٣- ١ بردەوە.

یارییەکە لە شاری ریازی سعوودیە بەڕێوەچوو، نیوەی یەکەم لە خولەکی ٣٣ گاڤی یەکەم گۆڵی یارییەکەی بۆ بلاوگرانا کرد، پاشان هەر لە نیوەی یەکەم و لە خولەکی ٤٥لیڤاندۆڤسکی گۆڵی دووەمیشی بۆ یانەکەی هەرێمی کەتەلۆنیا کرد. نیوەی دووەم یاریزانانی بارسا بە تەواوەتی کۆنترۆلی یارییەکەیان کرد و، ئەمجارەیان لە خولەکی ٦٩ پێدری توانی بۆ جاری سێیەم تۆڕی گۆڵی شاهانەکان بهەژێنێت و، یاریزانانی ئەو یانەیەی بە تەواوەتی بێ هیوا کرد و, لە کۆتا خولەکەکانیش بێنزێما گۆڵێکی بۆ مێرنگی کرد و یارییەکە بەم ئەنجامە کۆتایی هات.

بەم بردنەوەیە بارسێلۆنا توانی ناسناوی جامی سوپەری ئیسپانیا مسۆگەر بکات و، چاڤی راهێنەری یانەکەش، یەکەم ناسناوی وەکو راهێنەر لەگەڵ بلاوگرانا بەدەستهێنا.

یۆرگێن کلۆپ، راهێنەری ئەڵمانی یانەی لیڤەرپوولی ئینگلیزی لە پۆستەکەی بەردەوام دەبێت.

فابریزیۆ رۆمانۆ رۆژنامەنوسی ئیتاڵی بڵاویکردەوە، بەهۆی ئەنجامە لاوازەکانی ئەم وەرزەی رێدز، دەنگۆیەک بڵاوبووەتەوە گوایە راهێنەری یانەکە دووربخرێتەوە، بەڵام دەنگۆکان دوورن لە راستی و ناوبراو لەسەر پۆستەکەی بەردەوام دەبێت و، کارگێری یانەکەشی بە تەواوەتی پشتگیری دەکات.

رۆمانۆ بڵاویشی کردەوە کارگێری یانەی لیڤەرپوول کار لەسەر پرۆژەکانی داهاتووی کلۆپ دەکات و، بەهیچ شێوەیەکیش بیر لە دوورخستنەوەی ناکەن.

فیدراسیۆنی نێودەوڵەتی تۆپی پێ فیفا لێكۆڵینەوە لە ڕووداوەكانی ئاهەنگی دابەشكردنی خەڵاتەكانی جامی جیهانی ٢٠٢٢ی قەتەڕ دەكات لەلایەن ئەرجەنتینەوە.

لە یاری كۆتایی جامی جیهانی ٢٠٢٢ی قەتەڕدا هەڵبژاردەی ئەرجەنتین بە لێدانی یەكلاكەرەوە شكستیان بە هەڵبژاردەی فەڕەنسا هێنا و بۆ جاری سێیەم لە مێژوودا بوون بە پاڵەوانی جیهان.

لەكاتی دابەشكردنی خەڵاتەكانی باشترینەكانی پاڵەوانیەتیەكە و لە كاتی وەرگرتنی خەڵاتی باشترین گۆڵپارێزی جامی جیهانی ئیمیلیانۆ مارتینیز بەشێوەیەكی نەشیاو ئاهەنگی لەگەڵ خەڵاتەكە گێڕا و ئەوەش بوویە هۆی ئەوەی دەست بە لێكۆڵینەوەكان بكرێت بەرامبەر ئەرجەنتین.

لە بەیاننامەیەكی فەرمیدا فیفا ئاشكرایكردووە كە هەڵبژاردەی ئەرجەنتین پێشێلكاری زۆری كردووە كە لەگەڵ میدیا و یاساكانی فیفادا ناگونجێت.

ڕۆژنامەی ئاسی ئیسپانی لە ڕاپۆرتێكیدا ئاشكرایكردووە كە ئەگەر ئەو تۆمەتانە بەسەر هەڵبژاردەكەدا بسەپێندرێت ئەوا سزایەكی دارایی زۆر دەدرێن.

لە بەیاننامەكەی فیفادا هاتووە: لیژنەی لێكۆڵینەوەی فیفا ڕێوشوێنی دژی یەکێتی تۆپی پێی ئەرجەنتین گرتە بەر بەهۆی ئەگەری پێشێلکردنی ماددەکانی ١١ (هەڵسوکەوتی شەڕانگێزانە و پێشێلکردنی بنەماکانی یاری خاوێن) و ماددەی ١٢ (هەڵسوکەوتی نادروستی یاریزانان و بەرپرسان) ، هەروەها ماددەی ٤٤ی ڕێساکانی مۆندیالی ٢٠٢٢ی قەتەڕ بە هاوبەشی لەگەڵ یاسای ڕاگەیاندنی تایبەت بە مۆندیال، لە کاتی یاری ئەرجەنتین بەرامبەر فەرەنسا لە یاری کۆتایی مۆندیال.

یانەی ئارسێناڵی ئینگلیزی بەردەوامە لەسەر هەواڵەکانی بۆ گواستنەوەی مێخایلۆ مۆدریک، ناوەڕاستکاری ئۆکراینی یانەی شاختاری ئەم وڵاتە.

فابریزیۆ رۆمانۆ رۆژنامەنوسی ئیتاڵی بڵاویکردەوە، کارگێری یانە ئینگلیزیەکە سوورە لەسەر گواستنەوەی ناوەڕاستکارە ئۆکراینیەکە و، بەم دواییە ئۆفەرەکەیان گەیاندووەتە ٧٠ ملیۆن یۆرۆ، بۆیە چاوەڕێ وەڵامی یانە ئۆکرانیەکە دەکەن و، ئەوان دەیانەوێت هەر ئەم زستانە یاریزانەکە بۆ ریزەکانیان بگوازنەوە.

مۆدریک بەهۆی ئاستە بەرزەکەی بووەتە ئامانجی چەندین یانەی گەورەی ئەوروپا و، بەم هۆیەوە یانە ئینگلیزیەکە پەلەیەتی بۆ ئەوەی بتوانن تواناکانی ئەو یاریزانە بەدەست بێنن.

پێكهاتەی پێشبینیكراوی چاڤی هێرناندێزی ئیسپانی و ڕاهێنەری یانەی بارسێلۆنای هەمان وڵات بۆ یاریەكەیان بەرامبەر ڕیاڵ بیتس.

وا بڕیارە ئەمڕۆ پێنجشەممە كاتژمێر ٢٢:٠٠ بە كاتی كوردستان هەردوو یانەی بارسێلۆنا و ڕیاڵ بیتس لە یاریگای مەلیك فەهد لە وڵاتی سعودیە ڕووبەڕووی یەك ببنەو، لە میانەی یاریەكانی قۆناغی پێش كۆتایی جامی سوپەری ئیسپانیا.

یانەی ڕیاڵ مەدرید توانی خۆی بگەیەنێتە یاری كۆتایی جامەكە دوای بردنەوەیان لە ڤالینسیا بە لێدانی یەكلاكەرەوە و چاوەڕوانی براوەی یاریەكەی نێوان بارسێلۆنا و ڕیاڵ بیتس دەكات.

پێكهاتەی پێشبینیكراوی بارسێلۆنا:

گۆڵپارێز: تێر شتیگن

هێڵی بەرگری: باڵدی ، كریستینسن ، ئاراوخۆ ، كۆندی

هێڵی ناوەند: گاڤی ، بۆسكێتس ، دی یۆنگ

هێڵی هێرشبردن: دیمبڵی ، لیڤاندۆڤسكی ، پێدری

ئەمڕۆ بەفەرمی راگەیەندرا جواو فیلیکسی ئەستێرەی ئەتلەتیکۆ مەدرید پەیوەندی بە چێڵسی ئینگلیزییەوە دەکات.

بەگوێرەی فابریزیۆ رۆمانۆی رۆژنامەنووسی بازاڕی گواستنەوە، هێرشبەرە پۆرتوگالییەکە بە خواستن پەیوەندی بە بلوزەوە دەکات تا کۆتایی وەرز. ئەتڵەتیکۆ تەنها بۆ شەش مانگی داهاتوو بڕی ١١ ملیۆن یۆرۆ وەردەگرێت و تەواوی مووچەکەشی لەم ماوەیەدا یانە ئینگلیزییەکە دەیدات.

جگە لەوەش، ئەتڵەتیکۆ گرێبەستی ئەو یاریزانە تازەدەکاتەوە تاوەکو ساڵی ٢٠٢٧ و پاشان رێگەی دەدات یاری بۆ چێڵسی بکات.

فیلیکس گرانترین یاریزانی مێژووی ئەتڵەتیکۆ مەدریدە و لە ٢٠١٩ بە ١٢٦ ملیۆن یۆرۆ چووە یانەکەی مەدرید بەڵام لە سێ ساڵی رابردوودا نەیتوانیوە ئەو ئاستە پێشکەش بکات کە یانەکە چاوەڕێی دەکرد.

توركی شێخ ،سەرۆكی دەستەی گشتیی كات بەسەربردنی سعودیە ، وردەكاری یارییەكەی جامی وەرزی ڕیازی لە ١٩ی ١ لە یاریگای نێودەوڵەتی مەلیك فەهد كە ئەستێرەكانی هیلال و نەسر لەخۆدەگرێت بەرامبەر پاریس سانجێرمان ئاشكرا دەكات.

شێخ لە لێدوانێكدا گوتی: بەڕاستی ژمارەی داواكارییەكانی بلیت زیاتر لە دوو ملیۆن داواكاری تێپەڕاندووە، ئەمەش ژمارەیەكی پێوانەیی مێژووییە لە تۆپی پێدا، پێموانییە پێشتر ئەوە ڕوویدابێت.

ئاماژەی بەوەشكردووە، ناچاربووین داواكارییەكان لە سایتەكەدا بوەستێنین، چونكە لە چركەیەكدا زیاتر لە ١٥هەزار داواكاریمان پێدەگەیشت، ئەمەش بەهای ئەم یارییە ڕوون دەكاتەوە.

ئاماژەی بەوەشكرد، پەیوەندیم بە سەرۆكی پاریس سانجێرمان كرد و داوامان لێكرد ژمارەی درێسی تیپی فەرەنسی بۆ هاندەران دوو هێندە بكات.

لە كۆتاییدا گوتی “پێموایە هاندەرانی پاریس سانجێرمان دوای ئەم یارییە بە تەواوی جیاواز دەبن.

جێگای سەرنجە ڕۆناڵدۆ لەماوەی گواستنەوەی زستانەی ئێستادا بە گرێبەستێكی مێژوویی پەیوەندی بە یانەی نەسرەوە كردووە، لەو ماوەیەدا تا هاوینی ٢٠٢٥ مووچەی ساڵانەی ٢٠٠ ملیۆن یۆرۆ وەردەگرێت.

ئامارەکانی گراهام پۆتەر نیشانی دەدەن کە چێڵسی لە خراپترین ساتیدایە لەگەڵ ئەو راهێنەرە بەرامبەر بە راهێنەرەکانی پێش خۆی.

پۆتەر راهێنەری برایتۆن بوو کاتێک بەرپرسانی چێڵسی داوایان لێکرد پۆستەکەی واز لێبهێنێت و پەیوەندی بە یانەکەیانەوە بکات و ئەویش رازی بوو. هێندەی نەبرد لە مانگی نۆ دا، توخێل دوورخرایەوە وناوبراو دەستبەکاربوو.

ناوبراو لە ١١ یاریدا راهێنەرایەتی چێلسی کردووە لە پریمەرلیگ تەنها ١٥ خاڵی کۆکردووەتەوە، ئەمەش خراپترینی کۆتا ٣٠ ساڵە و لە مێژووی یانەکەشدا تەنها ئییان پۆرتەرفیڵد و گلێن هۆدڵ (بە ١٣ خاڵ) لەو خراپتر دەستییان پێکردووە.

هەر لەو هاوپۆلەدا، گوس هیدینک باشترینە بە کۆکردنەوەی ٢٨ خاڵ لە سەرەتا ١١ یاریدا.

پۆتەر سێ یاری سەرەتای لەگەڵ چێڵسی بردەوە بەڵام لە کۆتا هەشت یاریدا تەنها یەک بردنەوەی هەیە!

محەمەد سەڵاحی میسڕی و ئەستێرەی یانەی لیڤەرپول گۆڵی دووەمی بۆ یانەكەی تۆمارکرد بەرامبەر وۆلڤەرهامبتۆن لە یارییەکەدا کە لە قۆناغی سێیەمی جامی یەكێتی ئینگلتەرا لە نێوان هەردوو یانە ئەنجامدرا.

لیڤەرپول لە یاریگای ئەنفێلدی تایبەت بە خۆی میوانداری وۆلڤەر هامبتۆنی كرد و یاریەكەش بە دوو گۆڵ بۆ هەردوولا كۆتایی هات ، لە میانەی یاریەكانی قۆناغی سێیەمی جامی یەكێتی ئینگلتەرا و بەوەش یاریەكە لە یاریگای وۆلڤەر هامبتۆن دووبارە دەكرێتەوە.

گۆڵەكانی لیڤەرپول لە لایەن داروین نونێز لە خولەكی ٤٥ و محەمەد سەڵاح لە خولەكی ٥٢ تۆمار كران.

بەو گۆڵە سەڵاح سەرکەوتوو بوو لەوەی پێش ئەفسانەی پێشووی یانەی ڕێدز، کینی داڵگلیش بداتەوە لە لیستی گۆڵکارانی مێژوویی یانەی لیڤەرپوول بە گشتی.

بە تۆمار كردنی ١٧٣ گۆڵ سەڵاح لە ڕیزبەندی حەوتەمی گۆڵكارانی مێژووی یانەی لیڤەرپولدایە و بە گۆڵێك پێش دالگلیش كەوت.

ئایان ڕاش لە پلەی یەكەمی گۆڵكارانی مێژووی یانە ئینگلیزیەكە دێت بە تۆماركردنی 346 گۆڵ.

کریستیانۆ رۆناڵدۆ پەیوەندی بە یانەی نەسری سعودیەوە کرد

کریستیانۆ رۆناڵدۆ یاریزانی هەلبژاردەی پورتوگال و یاریزانی پێشووی یانەی مانچستەر یونایتد دوای ئەوەی لەگەڵ ڕاهێنەری یانەی مانچستەر یونایتد هەندێک کێشەی بۆ دروست بوو، ئەو یانە ئینگلیزیە بە فەرمی بۆندی یاریزانەکەی هەلوەشاندەوە، ئەمەش دوای ئەوەی کریستیانۆ رۆناڵدۆ لە چاوپێکەوتنێکی تەلەڤیزیۆنیدا ووتی یاریزانان و یانەی مانچستەر یونایتد خیانەتیان لێم کردووە.

کریستیانۆ رۆناڵدۆ نەیتوانی لەگەڵ هەلبژاردەکەشی هیچ ئەنجامێکی باش بەدەست بهێنێت لە زۆربەی یاریەکانیشدا لەسەر کورسی یەدەگ بوو، دواجار میدیا عەرەبیەکان بلاویان کردەووە کە پەیوەندی بە یانەی نەسری سعودییەوە کردووە، بۆ ماوەی دوو ساڵ.