هاوپۆل: چاوپێکەوتن

سەرۆك بارزانی پێشوازی لە سەرۆكی پێشووی یەكێتیی زانكۆكانی عەرەبی دەكات

ڕۆژی پێنجشەممە 19ی كانوونی دووەمی 2023 لە سەلاحەددین سەرۆك مەسعود بارزانی پێشوازی لە پڕۆفیسۆر دكتۆر سوڵتان عەرابی سەرۆكی پێشووی یەكێتیی زانكۆكانی عەرەبی كرد.

لەو دیدارەدا پڕۆفیسۆر دكتۆر سوڵتان عەرابی وێڕای ئەوەی پێزانینی هەبوو بۆ ئەو بووژانەوە و ئاسایش و سەقامگیرییەی لە هەرێمی كوردستاندا هەیە، ستایشی ڕۆڵی سەرۆك بارزانی كرد كە پاڵپشتێكی گەورەی گەشەی خوێندنی باڵا و زانكۆكانی هەرێمی كوردستان بووە. داواشی كرد كە پەیوەندیی نێوان زانكۆكانی هەرێم و زانكۆ عەرەبیەكان و بە تایبەت زانكۆكانی هەرێمی كوردستان و زانكۆكانی وڵاتی ئۆردن توندوتۆڵتر ببێت.

لە بەشێكی تری ئەو دیدارەدا جەخت لە بایەخی ڕۆڵی زانكۆ و ناوەندە زانستییەكان لە پاراستنی فەرهەنگ و بەهاكانی كۆمەڵگە كرایەوە.

مەسرور بارزانی، سەرۆکی حکومەتی هەرێمی
کوردستان، لە رێورەسمێکی تایبەتدا لە
فڕۆکەخانەی نێودەوڵەتی هەولێر، پێشوازی لە
جۆرجیا مێلۆنی سەرۆک وەزیرانی ئیتاڵیا
کرد،
پوختەی ناوەڕۆکی کۆبوونەوەی ھەردوو سەرۆک وەزیران:

– سەرۆک وەزیرانی ئیتاڵیا خۆشحاڵی خۆی بە سەردانی
هەولێر نیشاندا و ئاماژەی بە دۆستایەتی
بەهێزی نێوان هەرێمی کوردستان و ئیتاڵیا کرد.

– سەرۆک وەزیرانی ئیتاڵیا بە فەرمی بانگهێشتی سەرۆکی حکومەتی هەرێمی کوردستانی کرد بۆ ئەوەی سەردانی ئیتاڵیا بکات.

– ڕۆڵی هەرێمی کوردستانی لە پاراستنی کریستیانەکان بەرز نرخاند.

– سەرۆکی حکومەت سوپاسی ئیتاڵیای کرد کە ڕۆڵێکی گرنگی لە پشتیوانیکردنی هەرێمی کوردستاندا هەیە.

– سەرۆک وەزیرانی ئیتاڵیا، جەختی لەوە کردەوە کە ئیتاڵیا بەردەوام دەبێت لە پشتیوانیکردنی هەرێمی کوردستان و کارو چاڵاکییەکانی کونسوڵخانەی وڵاتەکەشی لە هەولێر بەرفراوانتر دەکات.

– چاکسازییەکانی کابینەی نۆیەم لە بواری هەمەجۆرکردنی ئابووری و گرنیگدان بە کەرتی کشتوکاڵی و دۆزینەوەی بازاڕی دەرەکی بەتایبەتی بازاڕەکانی ئەوروپا بەڕووی بەرووبوومی کشتوکاڵی هەرێمی کوردستان.