مووچەی پێشمەرگە هاوتایی سوپای عێراق دەکرێت
مووچەی پێشمەرگە لەگەڵ هاوتاکانیان لە سوپای عێراق تاوتوێ دەکرێت
بازمیدیا ـ هەواڵی ناوخۆیی
بەپێی کارنامەی کۆبوونەوەی ئەنجومەنی وەزیرانی هەرێمی کوردستان، سبەی بابەتی یەکخستنەوەی هێزەکانی پێشمەرگە و هاوتاکردنی مووچە و شایستە داراییەکانیان لەگەڵ هاوتاکانیان لە سوپای عێراق تاوتوێ دەکرێت.
لە کۆبوونەوەکەدا، شۆڕش ئیسماعیل، وەزیری پێشمەرگە، ڕاپۆرتێک لەبارەی هەنگاوەکانی ڕێکخستنەوە و یەکخستنەوەی هێزەکانی پێشمەرگە پێشکەش دەکات، پاشان گفتوگۆ لەسەر هەنگاوەکانی یەکسانکردنەوەی مووچە و شایستە داراییەکانی پێشمەرگە لەگەڵ هێزەکانی سوپای عێراق دەکرێت.
ئەم بابەتە لە کاتێکدا دێتە بەر باسەوە کە پرۆسەی یەکخستنەوە و ڕێکخستنەوەی هێزەکانی پێشمەرگە بە فەرمی ڕاگەیەنراوە و حکومەتی هەرێم داوای هاوتاکردنی مووچە و شایستە داراییەکانی پێشمەرگەی لەگەڵ هاوتاکانیان لە سوپای عێراق کردووە.
