مەلا بەختیار میدیاکانی یەکێتی بەدرۆدەخاتەوە و بە درۆزن ناویان دەبات

مەلا بەختیار میدیاکانی یەکێتی بەدرۆدەخاتەوە و بە درۆزن ناویان دەبات

دەقی پەیامەکەی مەلا بەختیار لە هەژماری تایبەتی خۆی لە تۆڕی کۆمەڵایەتی فەیسبوک:

درۆكانی دوای پەیامەكەی
بەڕێز مەلا بەختیار

دوای چەند سەعاتێك، لە پەیامەكەی بەڕێز مەلا بەختیار، چەند هەواڵێكی ناڕاست داتاشراوون.. ئەمەش رونكردنەوەمانە لەسەر ئەو هەواڵانە:
كەسێك دوو هەواڵی هەڵبەستووە گوایە بەڕێز مەلا بەختیار:
یەكەم:
أ‌- خانویەكی یەك ملیۆن دۆلاری لە گەڕەكی ئەقاری لەم ماوەیە كڕیووە.
ب‌- پێنج سەیارە درعی هەیە.
بۆ خانوەكە، با بەڵگە بڵاوبكاتەوە، لەئێستاوە رایدەگەیەنین.. كە خانوەكە حەلاڵی هەواڵسازەكە بێ‌.
بۆ سەیارەكانیش.. سەیارەیەكی گوللەنەبڕ لای بەڕێز مەلا بەختیار هەیە. چوار سەیارەكەی تر با حەڵاڵی هەواڵ داتاشەكە بێت.
دووەم: هەواڵێكی تر گوایە، بەڕێز مەلا بەختیار دوای پەیامەكە، سەفەری دەرەوەی وڵاتی كردووە. بۆ ئەم هەواڵەش، پەیجەكە داوەت دەكەین هەر ئێستا بفەرموون لە چاودێر، قاوەیەك لەگەڵ بەڕێزی بخۆنەوە.
ئیتر بەخواتان دەسپێرین هەتا بەدرۆخستنەوەی هەواڵێكی داتاشراوی تر.
نوسینگەی راگەیاندنی
مەلا بەختیار
26/9/2023