تاقیکردنەوەکانی کۆتایی وەرزی دووەمی پۆلە ناکۆتاکان دەستیان پێ کرد

تاقیکردنەوەکانی کۆتایی وەرزی دووەمی پۆلە ناکۆتاکان دەستیان پێ کرد

بەیانیی ئەمڕۆ شەممە، 17-05-2025، تاقیکردنەوەکانی کۆتایی خولی یەکەمی، وەرزی دووەمی پۆلە ناکۆتاکان لە قوتابخانەکانی هەرێمی کوردستان دەستیان پێ کرد و تا ڕۆژی دووشەممەی داهاتوو، 26-05-2025، بەردەوام دەبن.

تاقیکردنەوەکان ڕۆژانە کاتژمێر 08:00ـی بەیانی دەست پێ دەکەن و بە گوێرەی ئامارەکانی بەڕێوەبەرایەتیی گشتیی ئەزموونەکانی سەر بە وەزارەتی پەرەوردە، زیاتر لە یەک ملیۆن و 387 هەزار و 895 قوتابی تێیدا بەشدارن.

دوای تەواوبوونی ئەم تاقیکردنەوانە و ڕاگەیاندنی ئەنجامەکانی خولی یەکەمی وەرزی دووەم، وەزارەتی پەروەردە خشتەی تاقیکردنەوەکانی خولی دووەمی هەردوو وەرزی یەکەم و دووەم بڵاو دەکاتەوە.

بە گوێرەی ئامارەکانی وەزارەتی پەروەردە، زیاتر لە حەوت هەزار و 370 قوتابخانە لە شار و شارۆچکەکانی هەرێمی کوردستان هەن؛ لەو ژمارەیە شەش هەزار و 863ـیان حکوومین.

لە چوارچێوەی بەرنامەی “گەڕانەوە بۆ خوێندن” وەزارەتی پەروەردەی حکوومەتی هەرێمی کوردستان لە ماوەی چوار ساڵی ڕابردوودا، بە ئامانجی نەهێشتنی نەخوێندەواری و کارکردنی منداڵان، زیاتر لە 33 هەزار و 300 قوتابی گەڕاندووەتەوە بەر خوێندن