بڵند ئیسماعیل بۆ بازمیدیا:پارتی ناچێتە ژێرباری سیستەمێکی نەخشە بۆ کێشراوی پێشوەختەی هەڵبژاردن کە لەلایەن دادگایەکی ناشەرعی دیزاینی بۆ کراوە
بڵند ئیسماعیل، بەرپرسی لقی ٢ی پارتی دیموکراتی کوردستان سەبارەت بە پرسی هەڵبژاردن و دادگای فیدڕالی لە لێدوانێکی بە بازمیدیای ڕاگەیاند:بابەتی هەڵوێستی پارتى تەتها هەڵبژاردن نيه بەڵکو هەڵوێست وەرگرتنە لەسەر چەوتی و بەلارێدابردنی سيستەمى سیاسی عيراقى فیدڕالە کە ئاراستەكه بەرەو مەرکەزیەت و پێشێلكردنى دەستور و گوێ نەدانه به سيستەمى فدرالى و كەم بايەخ ڕوانین له موئەسەساتی شەرعی هەرێم،هەروەها بێ بایەخکردنی موئەسەساتی حوکمڕانی عيراقيش و حەسرکردنی دەسەڵات لەدەستی دادگای فیدڕالی كه خۆی نادەستوریە و تەواو تەجاوزی دەسەڵاتەکانی خۆی کردوە
بڵند ئیسماعیل ئاماژه‌ی به‌وه‌ش كرد ، بريارى دادگاى فیدڕالی لەسەر سكالاى یەکێتی به نەهێشتنی کورسی کۆتاکان، لاى پارتى شێواندنی پێکەوەژیانی هەرێمی کوردستانە كه خالێکی دروەشاوەی هەرێمە،
بۆیە هەڵوێستی پارتی روونە کە ناچێتە ژێرباری سیستەمێکی نەخشە بۆ کێشراوی پێشوەختەی هەڵبژاردنە کە لەلایەن دادگایەکی ناشەرعی دیزاینی بۆ کراوە
ئه‌و ئه‌ندامه‌ی كۆمیته‌ی ناوه‌ندی پارتی گوتیشی،”پارتی دووساڵە شەڕ دەکات لەسەر بەڕێوەچوونی هەڵبژاردن لە وادەی خۆیدا ئێمە پێمان وایە دەبێت کۆی سیستەمی حکومڕانی عێراق ڕاست بکريتەوە،بگەڕێتەوە سەر جێبەجێکردنی دەستوور و بنەمای فیدڕالی و شەراکەت و تەوافق و تەوازن جگە لەوە هیچ ڕێگایەکی تر عێراق رزگار ناکات، لەو بەرەو هەڵدێرچوونەی دیکتاتۆریەتی تایفی و نەزعەی تایفی بازنەکە بچووکترە و نەزعەی دەستە و تاقم و میلیشیا زاڵە،لای پارتی ژمارەی کورسی گرنگ نیە ، بەڵکو شکۆ و هەیبەت و لەسەرپێمانی دەزگا شەرعیەکانی هەرێم گرنگە”.
ناوبراو باسی له‌وه‌ش كرد “کە ڕێگە نادەین بە نادەستووری هیچ دەزگایەکی دیکە لەژێر هیچ پاساوێک شوێنگرەوەی بڕیاری دەسەڵاتی شەرعی هەرێم بێت،لەخۆمان دڵنیاین حزبی یەکەمین و هەمیشە کورسیەکانمان لە زیادبوونە،،ئەوەی پارتی دەیکات هەستانە بە دەوری مێژوویی و بەرسیاریەتی خۆی بەرامبەر هەرێمی کوردستان جەماوەرە خۆڕاگرەکەی”.