دڵشاد رەشید بۆ بازمیدیا:
دروستکردنی حزبێکی نوێ و جیابوونەوە لە گۆڕان کۆتایی گۆڕان نیە ،بەڵام خەڵکێک دەچێتە پاڵ ئەو تاقمە.
دڵشاد رەشید ئەندامی جڤاتی گشتی گۆڕان، بە (بازمیدیا)ـی رایگەیاند: هەڵبژاردنی خانەی راپەڕاندن دواکەوت، دیارە خیلافەت هەیە، بەڵام لەبەر سەری ساڵی نوێ کە ئەم دوو سێ رۆژە دەوام نییە، لە شوێنەکانی دیکەش خەڵک ناتوانێت بێت، ئەوەش هۆکارێکی سەرەکییە بۆ دواکەوتنی هەڵبژاردنی خانەی راپەڕاندن.
هەروەها وتی ؛ “هێشتا رێککەوتنی نێوان باڵی عومەری سەید عەلی و عوسمانی حاجی مەحمود سەبارەت بە پرسی رێکخەری گشتی و دیاریکردنی نەکراوە”، واتە نەگیشتوونەتە ئەمجام بۆ ئەم بابەتە، بابەتەکە تا ئێستا ماوە گفتوگۆی لەسەر دەکرێت.
دلشاد ڕەشید ئەوەشی وت ،“عوسمانی حاجی مەحمود دەمێکە لە باڵی ناڕازییەکانە، خۆی لە گۆڕان دوورخستووەتەوە، بەڵام رەئی هەبووە، چونکە خەڵکی لەناو گۆڕاندا هەبووە”.
سەبارەت بە حزبە نوێیەکەی گۆڕان ئەوەشی ئاشکرا کرد کە ئەو حزبە نوێیەی باسی لێوە دەکرێت، باوەڕم وانییە کە عوسمانی حاجی مەحمود بچێتە پاڵیان، چونکە عوسمان ئەزموونی نێو یەکێتی و گۆڕانی هەیە، تەمەنیشی هەیە، بۆیە باوەڕناکەم بچێتە ژێر باڵی یوسف محەمەد، زەحمەتە.
دروستکردنی حزبێکی نوێ و جیاکردنەوەی لە گۆڕان، کۆتایی بە گۆڕان ناهێنێ، بەڵام خەڵکێکی زۆر جیا دەبنەوە و دەچنە نێو ئەو تاقمە نوێیە.