شاندی هه‌رێمی كوردستان و وەزارەتی نه‌وتی عێراق بڕیارێكیان دەركرد
فه‌رمانگه‌ی میدیا و زانیاری حكومه‌تی هه‌رێمی كوردستان رایدەگه‌یه‌نێت، دوای كۆبوونه‌وەی شاندی هه‌رێمی كوردستان له‌گه‌ڵ وەزارەتی نه‌وتی عێراق، بڕیاردرا لیژنەیەکی ھاوبەش پێکبھێنرێت.
فه‌رمانگه‌ی میدیا و زانیاری حكومه‌تی هه‌رێمی كوردستان، راگه‌یه‌ندراوێكی بڵاوكردەوە، تێیدا هاتووە: ئه‌مڕۆ شاندى حکومەتى هەرێمى کوردستان لە بەغدا لەگەڵ شاندی حکومەتی فیدڕاڵی- وەزارەتی نەوت کۆبووەوە و بڕیاردرا لیژنەیەکی ھاوبەش بۆ ئامادەکردنی و داڕشتنی پرۆژە یاسای نەوت و گازی فیدراڵی پێکبھێنرێت.