تایبەت بە بازمیدیا
دوای بڵاوبوونەوەی گرتە ڤیدیۆیەک لە تۆڕە کۆمەڵایەتییەکان ، کەوا ھاووڵاتیان سەردانی فەرمانگەی ئاوی کەسنەزانیان کردووە بۆ ئەوەی پارەی ئاو بدەن ، لە بەردەم فەرمانگەکە قەرەباڵغی زۆر دروست بووە و بووەتە هۆکاری سستبوونی بەڕێوەچوونی کارەکانی هاووڵاتیان ، بۆ ئەم مەبەستە وەک یەکەم میدیا ” بازمیدیا ” پەیوەندی بە ( ئاری ئەحمەد ) بەڕێوەبەری گشتی ئاوی ھەولێرەوە کرد.
ناوبراو بە بازمیدیای ڕاگەیاند کەوا هەردوو فەرمانگەی ئاوی ھەولێر و فەرمانگەی ئاوی کەسنەزانی ڕاسپاردووە بۆ ئەوەی بە زووترین کات چارەسەر و رێکخستن بۆ ئەم قەرەباڵغیە بکرێت.
لە ئێستادا هەردوو فەرمانگەکە خەریکی چارەسەرکردنی بابەتەکەن.