پۆلیسی هەولێر بکوژی بەرەبەیانی ئەمڕۆی دەستگیر کرد و وردەکاری لەسەر رووداوەکە دەخاتەڕوو
لە کۆنگرەیەکی ڕۆژنامەوانیدا وتەبێژی پۆلیسی هەولێر ڕایگەیاند : هێزەکانمان لە بەڕێوەبەرایەتی پۆلیسی پارێزگای هەولێر ڕۆژی شەممە 2022/11/5 کاتژمێر 1:30 خولەک لە گەڕەکی تەیراوە نزیک گازینۆی کورد و عەرەب بە حاڵەتێکی کوشتن ئاگادار دەکرێنەوە، دوای گەیشتنی تیمێکمان لە لێکۆڵینەوە لە بەڕێوەبەرایەتی پۆلیسی هەولێر دوای لێکۆڵینەوەیەکی وورد دەردەکەوێت کە کەسێک کوژراوە بەناوی “جێگر ڕێگر مستەفا” تەمەن 21 ساڵ لە نێو ئۆتۆمبێلەکەی لە جۆری کیا سپۆرتاج کوژراوە ، دوای لێکۆڵینەوەیەکی چڕ وورد و بەردەوام هێزەکانمان تۆمەتبار و بکەری سەرەکی تاوانەکەیان دەستنیشانکرد کە براکەی خۆیەتی ، دوای پێنج کاتژمێر بەدواداچوون توانرا تۆمەتبار دەستگیر بکرێت ، بەناوی “ج، ڕێگر” تەمەن 19 ساڵ .
وتەبێژی پۆلیسی پارێزگای هەولێر ڕایگەیاند ، ئەوەی جێگای ئاماژە پێکردنە دوای ئەوەی کە هێزەکانمان لێکۆڵینەوەی تەواویان کرد لەسەر بابەتەکە ، لەلایەن کوژراوەوە چەندین کەرستە و ماددەی قەدەغە کراو دەستی بەسەرداگیرا ، کە پێکهاتوون لە یەک تاپر لەگەڵ چوار فیشەک ، دەمانچەیەک لەگەڵ 6 فیشەک ، بڕێکی زۆر لە ماددەی هۆشبەر لە جۆری کریستاڵ ، ماددەی هۆشبەری جۆری جامایکە ، ماددەی هۆشبەری جۆری تریاک ، ماددەی هۆشبەری جۆری هیرۆین ، تەرازووی کێشانی ماددەی هۆشبەر ، لەگەڵ کەرستەی کێشانی ماددەی هۆشبەر ،
وە هەروەها ڕاشیگەیاند ، دوای ئەوەی کە بکوژەکەمان دەستگیرکرد دەستمانگرت بەسەر چەند کەرستەیەکی ماددەی هۆشبەر کە پێکهاتبوون لە ، چەکێکی کلاشینکۆف کە هی کوژراو بووە کە تاوانەکەی پێ ئەنجام دراوە ، بەشێک لە ماددەی هۆشبەر لە جۆری کریستاڵ ، کەرستەی کێشانی ماددەی هۆشبەر لەگەڵ ئەوەی کە دوای ئەوەی تۆمەتبار هەڵساوە بە کوشتنی براکەی 11 فیشەکی پێوەناوە تاوانی کوشتنەکەی ئەنجام داوە .
وتەبێژی پۆلیسی هەولێر گوتیشی ئەوەی جێگای ئاماژەپێکردنە هەردوو تۆمەتبار بەکارهێنەر و فرۆشیاری ماددەی هۆشبەر بووینە .
وتەبێژی پۆلیسی هەولێر ڕاشیگەیاند ، ئێمە وەکو بەڕێوەبەرایەتی پۆلیسی پارێزگای هەولێر بەهاوکاری و هەماهەنگی لەگەڵ دەزگا ئەمنییەکانی دیکە هیچ درێخی ناکەین لە گرت و دەستگیرکردن و ڕاوەدوونانی ئەوانەی ئەتایبەتی بەکارهینەرانی ماددەی هۆشبەر و ماددە قەدەغەکراوەکان .