هاوپۆل: Uncategorized

سەعدی ئەحمەد پیرە وەڵامی تۆمارە دەنگیەكەی مەلا بەختیار دەداتەوەو دەڵێت: مەلا بەختیار توشی هستریا بووەو كای كۆن بەبا دەكات”

سەعدی ئەحمەد پیرە ئەندامی مەكتەبی سیاسی یەكێتی بۆ دەنگی ئەمریكا:پێموایە کاک بەختیار کای کۆن بەبا دەکات؛ ئەو بابەتانە پێشتر قسەی لەسەر کراوە. لە سەرکردایەتی یەکێتی قسەی لەسەر کراوە و پلینێومێکی لەسەر گیراوە هەریەکە سزای خۆی وەرگرت. ئەوەی ڕاست بوو سزایان وەرگرت و ئەوەی ڕاست نەبوو دەستبەکاربوون، بە تایبەتی ئەو سێ کەسەی کە ئەو ناوی هێناون

هەرچی بڵێم بە کاک مەلا بەختیار کەمه.‌ بەڵام مەلا بەختیار تەوازنی تێکچووە و تووشی هیستریایەک بووە، دەیەوێت ناوی خۆی بێنێتەناو ناوان. پێموایە دەیەوێت دەستە چەورەکەی خۆی بەسەر ئەوانی تردا بسڕێتەوە. هەموو ئەو شتانەی باسی دەکات ئەگەر لەسەر ئەو موناقشەی لەسەر بکەین لەهیچیان دەرناچێت.

بەڵام لەهەموو حاڵەتەکان مەلا بەختیار ناتوانین جارێکی تر وەکو پیاوێکی هاوسەنگی مەعقول سەیری بکەین.

یەکێتی وەک حزب چونکە فەوزا دروستی کردووە ئیدی ناتوانێت حیزبی ڕکابەری و ململانێی هەڵبژاردن بێت، ناتوانێت لە دەرەوەی فەوزا و لە ئارامیدا سیاسەت بکات، چەندی کوردستان نزیک بێتەوە لە یاسا و تەوافق، چەندی ئاوەدانی و دیموکراسیەت گەشە بکەن ئەو بە سروشت پاشەکشە دەکات.

بۆیە جارێک گێچەڵ بە یاسای سەرۆکایەتی هەرێم و جارێک بە شانزەی ئۆکتۆبەر و تانەدان لە یەک بازنەیی هەڵبژاردن، جارێک بە شارچییەتی و هەڕەشەی جیابوونەوە، جارێک بە شاننان بە بۆری غازەوە، ئێستاش بە کەیسی هاوکار جاف ئیدامە بە مانەوەی خۆی ئەدات.

بەڵام مانەوەیەک ئەگەر پێشتر چەند سەرکردایەتی و ژمارەیەک کادر بە ژیری خۆیان مەزهەری ڕووشاوی حوکمڕانییەکەیان بۆ جوان کردبێت، ئێستا ئەوانیش خۆیانی لێناکەن بە خاوەن.

مەزهەر و زمان دوو شوێنن زۆرترین تەعریفی مرۆڤ دەکەن، ئەمە بۆ سیاسەتیش هەر وایە زۆنی حوکمڕانی مەزهەرە و ڕاگەیاندنیش زمانیەتی، دەی حزب ئەگەر مەزهەر و زمانێکی جوانیشی نەبن، لانیکەم با یەکێکیانی هەبێت.

بەڵام ئێستا یەکێتی نە مەزهەری نە زمانی، وەک دەڵێ نە کەماڵی ماوە نە جەماڵی .

ئاخر حزب ئەگەر واجیهەی حوکمڕانیشی جەماڵی نەبێت خۆ دەبێت زمانی کەماڵی هەبێت تا هەم خۆی بتوانێت قسە لەگەڵ خەڵک بکات هەم خەڵکیش بتوانن قسە لەگەڵ ئەو بکەن.

لوقمان بیارەیی

ئەگەر بافل و قوباد ڕاست دەکەن ئەوە عەرز و ئەوە گەز

ئاری نانەکەلی:

وەڵامە لاوازەکەی قوباد و بافل کە بەناوی تیمی یەکێتییەوە بڵاوکرایەوە، ئاماژەیەکی ڕوونی شکست و بێ توانایی ئەوانە. کابینەی نۆیەم توانی بێ توانایی سەرکردایەتی ئێستای یەکێتی لە ئیدارەدان بسەلمێنێت. سەرکەوتنی کابینەی نۆیەم لە وە سەرچاوەی گرتووە کە چاوپۆشی لە پێشێلکارییەکان ناکات و ئامادە نییە بەرژەوەندی گشتی بکاتە قوربانی بەرژەوەندی چەند کەسێک.

یەکێتی لە جیاتی ئەم وەڵامە لاوازە، با بێت تۆمەتباران بخاتە بەر دەم ویژدان و دادگای خەڵک ئەگەر ترسی لە هیچ نییە.
تیرۆرکردن قارەمانیەتی نیە. تاوانە و تاوانباران چیتر ناتوانن بە بودجەی حکومەت خەڵک تیرۆر بکەن.

ئەو کەسانە لاواز و شکەست خواردوون کە لە گفتوگۆ ڕا دەکەن و لە ترسی ڕەفتارەکانیان جورئەتی ڕووبەڕووبونەوەیان نییە.

سەرکردایەتی لاوازی ئیستای یەلێتی نەیتوانی بەرگەی چاکسازی بگرێت و ڕێگری لە وەزیرەکان دەکات خزمەتی خەڵک بکەن بۆ ئەوەی لە پەنای گەورە کردنی کێشەکان خۆیان بشارنەوە.

فەرموون چیتر ڕێگری لە ئەنجامدانی هەڵبژاردن مەکەن. ئەگەر ڕاست دەکەن ئەوە عەرز و ئەوە گەز.

پاش سەردانەكەی مەسرور بارزانی، سەرۆكی حكوومەتی هەرێمی كوردستان بۆ بەغدا یەكەمین كاروانی نەوتی سپی گەیشتە هەرێمی كوردستان و بڕیار درا لەمەودوا بە نرخێکی کەمتر دابەش بکرێ.

وەزارەتی سامانە سرووشتییەکانی حکوومەتی هەرێمی کوردستان بڵاوی کردەوە “پاش سەردانەكەی مەسرور بارزانی، سەرۆكی حكوومەتی هەرێمی كوردستان و شاندی یاوەری لە ١١ی ئەم مانگە بۆ بەغدا ، كە چەندین بابەتی تایبەت بە كێشە هەڵپەسێردراوەكان گفتوگۆیان لەبارەوە كرا، تەوەرێكی ئەم گفتوگۆیانە تایبەت بوو بە دابینكردنی نەوتی سپی بۆ هاووڵاتیانی هەرێمی كوردستان، بەخۆشحاڵییەوە توانرا بڕی ٥٠ ملیۆن لیتر نەوتی سپی بۆ هەرێمی كوردستان تەرخان بكرێت”.

وەزارەتەکە ئاماژەی بە ئەوەش داوە كە پێشتر نرخی هەر لیترێك نەوتی سپی بە ٧٥٠ دینار دەستنیشان كرابوو، سەرۆکوەزیرانی هەرێمی کوردستان لەم سەردانەیدا داوای كرد ئەم نرخە بۆ هاووڵاتیانی كەم بكرێتەوە، بۆیە وەزارەتی نەوتی عێراق رازی بوو ئەم نرخە بۆ ٥٠٠ دینار بۆ هەر لیترێك كەم بكاتەوە.

ئاشکراشی کردووە کە ئەمڕۆ ١٢-١-٢٠٢٣ یەكەم كاروانی ئەم نەوتە گەیشتە هەولێر، وەزارەتی سامانە سروشتییەكان ئەم بڕە نەوتە بەسەر پارێزگاكانی هەرێمی كوردستان و ئیدارە سەربەخۆكان و ناوچە جیاجیاكانی كوردستان بەهەمان نرخی دابینكراو دابەش ده كات.

پارتی بۆ یەکێتی:

كێشەكە لێڵی پارەی سلێمانی و تیرۆرەكەی ھەولێرە
“لە كوێی دنیادا هەبووە سەرۆكی حزبێك لەبری حكومەت و یاساو پۆلیس بڕیار بدات”

كێشەكە لێڵی پارەی سلێمانی و تیرۆرەكەی ھەولێرە.. لە كوێی دنیادا هەبووە سەرۆكی حزبێك لەبری یاساو حكومەت و وەزیری و پۆلیس و ئاساییش بڕیار بدات”
دوێنێ سایتی فەرمی یەكێتی لەسەروتاردا قسەی لەسەر پارتی كردو رایگەیاند” كێشەكە لێڵی سیاسەتی پارتییە نەك نا ئامادەگی یەكێتی، گۆڕانكاری لە پۆستەكان نابنە بەدیلی كێشەكانمان لەگەڵ پارتی‌و حكومەت”

ئەمڕۆ رۆژنامەی (خەبات) زمانحاڵی فەرمی پارتی بە هەمان زمان وەڵامی یەكێتی دایەوە:
كێشەكانی یەكێتی زۆرن، بەشێكی ناوخۆیە كە لە ساڵی ٢٠٠٨ دەست پێدەكات، لەجیابوونەوەی گۆڕان و كۆنگرەكەیان و كێشەی ھاوسەرۆكی زەھرەكەو تەسفیەكردنی ناوخۆ زۆر بابەتی تر

دەبێت یەكێتی لە ڕوونی سیاسەتی حكوومەت و پارتی تێبگەن، كردەوە تیرۆرستییەكەی پایتەختی ھەرێمی كوردستان، قابیلی سازان نییە و بەپێی ڕێكارە یاساییەكان و خۆشیان دەكرێت لە بەدواداچوونیدا بەشداربن.

داھاتی نەوت بریتیە لە نزیكەی (٥٠٠) ملیۆن دۆلار كە لە 96% ی لە سنووری ھەولێرو دھۆكە، بەڵام بێ جیاوازی پارێزگاكان، تەواوی ئەم داھاتە بە یەكسانی بۆ مووچەی فەرمانبەران دەچێت.

لای پارتی ڕوونە كە ھەڵبژاردن دەبوایە لە كاتی دیاریكراوی خۆیدا بكرێت، بەداخەوە كە دواخرا، ھۆكاری سەرەكیش یەكێتی بوو، لەبەر كێشەكانی ناوخۆی

با خەڵكی خۆشەویستی سلێمانی شاھێد بن، لە كوێی دونیا ھەبووە، سەرۆكی حزبێك، لە شوێنی یاسا و لە شوێنی سەرۆكی حكوومەت و جێگری سەرۆكی حكومەت و وەزیرەكان و پارێزگارەكان و قائیمقامەكان و بەڕێوەبەری ناحیەكان و پۆلیس و ئاسایش بڕیار بدات و تەداخولی ھەموو ورد و درشتی ئەم سنوورە بكات؟؟
پارتی بڕوای بە گفتوگۆی بونیادنەرانە ھەیە و هەمیشە بۆ چارەسەری كێشەكان ئامادەیە، نەك بە پینەو پەڕۆ.

ڕزگار محەمەد ، ئەندامی پەرلەمانی کوردستان لە فراکسیۆنی گۆڕان:

کۆمپانیا هەیە لە دەروازەی پەروێزخان ڕۆژانە بەپێی زانیارییەکانم بەتەنیا ٥٠٠ تا ٥٥٠ ملیۆن دینار دەبات، کە سەر بە حزبە و داهاتەکەی دەچێتە گیرفانی كەسی حزبییەوە، وەک دیارە كەسانێك لە مەكتەبی سیاسیی یەكێتیین و قاچاغچێتی دەكەن ،لە ماوەکانی رابردووشدا، ئێمە سەردانی مەرزی پەروێزخانمان کرد، بۆ ئەوەی ئەو داهاتانەی بنكەی (كێش) لە دەروازەكە کە بەپێی یاسای ژمارە ٣ی ساڵی ٢٠١٢، کە دەبێت داهاتەکە بگەڕێتەوە بۆ خەزێنەی حکومەت و دواتر بخرێتە خزمەت ڕێگاوبان، بەتایبەت وەزارەتی ئاوەدانکردنەوە بۆ ڕێگاوبانەکان خەرجی بکات، بەڵام کەسێکی حزبی کە ناوێکی دیارە لەنێو حزبێکی دیاریکراو، دەستی بەسەر هەموو ئەو داهاتەدا گرتووە، ئەو داهاتەش زۆر زۆرە، ئێمەش لەگەڵ ئەندامی ئەنجومەنی پارێزگای سلێمانی بەدواداچوونمان بۆ کرد و ڕێگرییشمان لێ کرا،ئەو هێزەی لە مەرزەكە هەیە، حزبیین و فەرمان لە بافڵ تاڵەبانی وەردەگرن.

مەسەلەی (٢٠) ملیۆن دۆلارەكەی فڕۆكەخانەی سلێمانی تیا نییە؟

داهاتی ئەمڕۆی سەرجەم گەنجینەكانی دەڤەری سلێمانی بە پێی سایتی (شەفافیەت) تەنیا (٣٩٣ ملیۆن و ١٢٤ هەزارو ٣٥٠) دینارە، دوێنێش تەنیا (٧٤٣ ملیۆن و ٦٢٨ هەزار) دیناربووە.

پرسیارەكەی من ئەوە نییە كە ئەو داهاتە كەمە چیە لە كاتێكدا داهاتی هەندێك ڕۆژ (١٦) ملیار دینار بووە.

بەڵكو پرسیارەكەی من ئەو (٢٠) ملیۆن دۆلارەیە، وتم بزانم لە سایتی شەفافیەتدا نییە و لە كونج و قوژبنێكدا جێگەی نەكراوەتەوە لەو سایتەی تایبەتە بە شەفافیەت لە سنووری سلێمانی.

باشە (٢٠) ملیۆن دۆلار واتا (٢) هەزار دەفتەر دۆلار دەكات واتا (٣٠) ملیار دینار، چۆن دەكرێت بە ئاسانی ببرێتە دەرەوە، یاخود بگەڕێندرێتەوە و كەس نەزانێت بۆ كوێ دەچێت؟

ئاخر بەو پارەیە تەواوی كێشەی كۆمپانیاكانی خۆڵ و خاشاك چارەسەر دەكات … كێشەو ئاو و خزمەتگوزاری ناو شاری سلێمانی چارەسەر دەكات.

باشە بەرپرسێكی حزبی حكومی سلێمانی نەبوو ڕوونكردنەوەیەك بدات .
ئەی بەرپرسێكی حكومەتی كابینە سێ قۆڵیەكە نەبوو بڵیت: دەڵێن سلێمانی پارەی نییە و داهاتی كەمە ئەی (٢٠) ملیۆن دۆلار لە كوێتان بوو؟ ، چۆن پەیدابوو؟ ، هی كێیە؟.

داواكاری گشتی، وەزارەتی دارایی ، گەنجینەیەك ، بانكێك ، كەسێك نەبوو بڵێ (٢٠) ملیۆن دۆلار هێ كێبوو بۆ دەستی بەسەردا گیرا.
لەهەمووی پرسیارتر دەستیان خۆش بێت گرتوویانە … ئەی چیلێهات یەك پیكاپ دۆلار، لەم گرانی و بێ دۆلاریەدا چی لێهات؟

محمد ڕه‌ئوف / ڕۆژنامه‌نووس

پاشەکشەکردنی هەسارەی مەریخ ژیانی سێکسیت خاو دەکاتەوە …

کشانەوەکە وا دەکات زیاتر لەگەڵ هاوبەشەکەتدا موناقەشە بکەیت.

لە ٣٠ی تشرینی یەکەمدا هەسارەی مەریخ (هەسارەی هێز و وزە و سۆز و ئارەزووی سێکسی) لە دووانەدا پاشەکشەی کرد.

بە پێچەوانەی جیوە پاشەکشەکە نزیکەی دوو مانگ و نیو دەخایەنێت.

پاشەکشەی مەریخ نزیکەی دوو مانگ و نیو دەخایەنێت- ئەم پاشەکشەیەی مەریخ لە ١٢ی ١ی ٢٠٢٣ کۆتایی دێت ، هەروەک جیوە پاشەکشە دەبێتە هۆی ئاژاوە لەگەڵ ئەو بوارانەی ژیان کە عەطارد حوکمڕانی دەکات، وەک تەکنەلۆژیا و پەیوەندی… هتد، پاشەکشەی مەریخ کاریگەری لەسەر ئەو بوارانەی ژیان دەبێت کە مەریخ حوکمڕانی دەکات- بەتایبەتی، ژیانی سێکسیمان.

کاتێک هەسارەی کردار خاو دەبێتەوە، ئارەزووی سێکسی ئێمەش خاو دەبێتەوە. لەبری ئەوەی شەهوەتمان بۆ کەسانی دیکە هەبێت، ڕەنگە خۆمان لە درامای نێوان کەسەکاندا ببینینەوە- یان خۆمان لە ڕووبەڕووبوونەوە بەدوور بگرین تا ئەو ڕادەیەی کە ناڕەزایی گەشە دەکات، یان دەربکەوێت.

لەبەر ئەوەی دووانە بە شێوازی بەهێزی پەیوەندیکردن ناسراوە، تەنانەت ڕەنگە هەست بکات وەک ئەوەی سێکسکردن و فلێرتکردن خۆشی خۆی لەدەستداوە. هەوڵبدە سەرنجت لەسەر جێگیرکردنی چاودێریکردنی خۆت بێت لە ڕۆتینەکەتدا.

پەرلەمانتارێک: وەزیری نەوتی پێشووی عێراق 68 سکاڵای لەسەرە و هەوڵ دەدات وڵات جێبهێڵێت

زەهرا بوچاری سەرۆکی لیژنەی گواستنەوە و گەیاندنی پەرلەمانی عێراق، ڕایگەیاند: داوایەکی فەرمی ناردووە بۆ قەدەغەکردنی گەشتی ئیحسان عەبدولجەبار، وەزیری پێشووی نەوتی عێراق، بەهۆی تێوەگلانی لە گەندەڵی و دەستکاریکردنی پارەی گشتی.

سەرۆکی حکومەتی هەرێمی کوردستان پێشوازی لە باڵيۆزى فه‌ره‌نسا له‌ عێراق دەکات

ئه‌مڕۆ سێشەممە 11ی تشرینی یەکەمی 2022، مەسرور بارزانی, سەرۆکی حکومەتی هەرێمی کوردستان پێشوازیی لە بەڕێز ئێريك شۆڤاليێ، باڵيۆزى فه‌ره‌نسا له‌ عێراق کرد.

‎لە کۆبوونەوەکەدا کە بەڕێز ئۆلیڤیێ دیکۆتینی، کونسولی گشتیی فەرەنسا لە هەرێمی کوردستان ئامادەی بوو، گفتوگۆ دەربارەی پەرەپێدانی پەیوەندییەکانی هەرێمی کوردستان و فەرەنسا و دوايين گۆڕانکاری و پەرەسەندنەکانی دۆخی سیاسیی عێراق و هەوڵەکانی تێپەڕاندنی بنبەستی سیاسیی و پێکهێنانی حکومەتی نوێی عێراق کرا
‎بەشێکی دیکەی کۆبوونەوەکە تایبەت بوو بە گرنگیی پاراستنی ئاسایش و سەقامگیریی ناوچەکە و چارەسەرکردنی کێشەکان لە ڕێگەی گفتوگۆ و لەیەکتێگەیشتن